- ८ बैशाख २०८३, मंगलवार / Apr 21, 2026
काठमाडौँ । निर्वाचन आयोगले स्पष्टीकरण सोधिएका उम्मेदवारहरूमध्ये २४ जनाले जवाफ बुझाइसकेको जनाएको छ ।
शुक्रबार आयोजित नियमित पत्रकार सम्मेलनमा आयोगले निर्वाचन आचारसंहिता उल्लङ्घन गरेको उजुरीका आधारमा ३४ जना राजनीतिक दलका प्रतिनिधि तथा उम्मेदवारलाई स्पष्टीकरण सोधिएकोमा हालसम्म २४ जनाबाट जवाफ प्राप्त भइसकेको जानकारी दिएको हो ।
पत्रकार सम्मेलनमा आयोगका प्रवक्ता नारायणप्रसाद भट्टराईले भने, “आयोगले ३४ वटा राजनीतिक दल र उम्मेदवारहरूलाई स्पष्टीकरण सोधेकोमा २४ वटाबाट जवाफ पाइसकेका छौँ।”
आयोगका अनुसार आचारसंहिता र निर्वाचन कसुर तथा सजाय ऐनमा भएको व्यवस्था अनुसार प्राप्त जवाफको अध्ययन गरी आवश्यक कारबाही प्रक्रिया अघि बढाइनेछ । आगामी फागुन २१ गते प्रतिनिधि सभा निर्वाचन हुने कार्यतालिका रहेको छ ।
