- १४ असार २०८३, आईतवार / Jun 28, 2026
काठमाडौं । देशभर कोरोना संक्रमण फैलिएसंगै जिल्ला प्रशासन कार्यालय काठमाडौंले भीडभाड कम गर्न सवारी साधनमा जोरबिजोर प्रणाली लागु गरेको छ। काठमाडौं, भक्तपुर र ललितपुर जिल्ला प्रशासन कार्यालयले शुक्रवार रातिदेखि उपत्यकामा चल्ने सवारी साधनहरुमा जोरबिजोर प्रणाली लागु गरेका हुन् ।
उपत्यकामा कोरोना संक्रमण कम गर्न जोडबिजोर प्रणाली लागु गरिएको प्रशासन कार्यालयहरुले बताएका छन् । भीडभाडजन्य क्रियाकलाप र गतिविधिहरुको कारणबाट कोभिडको संक्रमण फैलावटमा मद्दत गरिरहेको विश्लेषण प्रशासनको रहेको छ।
यता, जिल्ला प्रशासन कार्यालय काठमाडौंका सहायक प्रमुख जिल्ला अधिकारी उमाकान्त अधिकारीले भीडभाडजन्य क्रियाकलाप र गतिविधिहरुलाई रोक्न सवारी साधनमा जोरबिजोर प्रणाली लागु गर्नुपरेको बताए ।
उनले प्रशासनले लागु गरेको यस्तो नियमले उपचारका लागि कुनै बाधा नपर्ने बताए । बरु सबैलाई प्रशासनको आदेशको पूर्ण पालना गर्न आग्रह समेत गरे । प्रशासनको आदेशलाई प्रभावकारी कार्यान्वयनका निम्ति निरन्तर अनुगमन गरिरहेको सहायक प्रजिअ अधिकारीको भनाइ छ ।
