धनुषा प्रहरीद्वारा नक्कली ‘डिएसपी’ पक्राउ

जनकपुर । धनुषा प्रहरीले आफ्नै डिएसपीलाई पक्राउ गरेको छ । नेपाल प्रहरीको ‘डिएसपी (प्रहरी नायब उपरीक्षक) हुँ’ भन्दै ठगी गर्ने एकजनालाई प्रहरीले पक्राउ गरेको हो ।

आफू डिएसपी भएको भन्दै रु ५० हजार ठगी गरेको आरोपमा प्रहरीले एक जनालाई पक्राउ गरेको हो । इलाका प्रहरी कार्यालय ढल्केबरले सिरहाको लहान नगरपालिका–२ का २० वर्षीय धनिकलाल साहलाई पक्राउ गरेको हो ।

जिल्लाको गणेशमान चारनाथ नगरपालिका–४ बस्ने रमेश श्रेष्ठसँग आफू नेपाल प्रहरीको डिएसपी हुँ भन्दै नगद रु.५० हजार ठगेको आरोपमा उनलाई पक्राउ गरिएको प्रहरीले जनाएको छ ।