स्वच्छ वातावरणका लागि लक्षित समुदायलाई इन्डक्सन चुल्हो वितरण

भक्तपुर । सूर्यविनायक नगरपालिका वडा नं ८ मा वातावरण मैत्री इन्ड्क्सन चुल्हो वितरण गरिएको छ । दिगो विकास व्यवस्थित सहरः स्वच्छ समृद्ध सुर्यविनायक नगर भन्ने मुल नाराका साथ आर्थिक वर्ष २०८०÷०८१ को स्वीकृत दलित लक्षित कार्यक्रम अन्र्तगत शुक्रबार वडा नं ७ मा सूर्यविनायक नगरपालिका प्रमुख बासुदेव थापाले इन्डक्सन चुल्हो वितरण गर्नुभएको हो ।

लक्षित समुदायलाई चुल्हो वितरण गर्दै सूर्यविनायक नगरपालिका प्रमुख बासुदेव थापाले उपेक्षित वर्गलाई मूलधारमा ल्याउँन सूर्यविनायक नगरपालिका लागि परेको बताउँनुभयो । उहाँले शिक्षा, स्वास्थ्य, वाटो लगायतका क्षेत्रमा पनि सूर्यविनायक नगरपालिकाले महत्वपूर्ण भूमिका निर्वाह गरेको जानकारी दिँदै उपेक्षित वर्गलाई हरेक क्षेत्रमा सौलियत दिन नगरपालिका अग्रस्थानमा रहेको तर्क गर्नुभयो ।

सूर्यविनायक नगरपालिकाका प्रवक्ता एवं वडा नं ७ का वडा अध्यक्ष रविन्द्र सापकोटाले पाँच वटा लक्षित समूदाय मध्य गुण्डुमा रहेका दलित समुदायलाई इन्डक्सन चुल्हो वितरण गरिएको जानकारी दिनुभयो । उहाँले एक घर एक परिवारका ४८ जनालाई लागत साझेदारीको आधारमा वितरण गरिएको बताउँदै ८० प्रतिशत वडाको रकम र २० प्रतिशत सेवाग्रहीबाट व्यहोर्ने गरि चुल्हो वितरण गरिएको बताउनुभयो ।

हरेक नेपालीको चुल्हो महंगो भइरहेको वेला नगरपालिकाले विरण गरेको चुल्होले सेवाग्रहीहरुलाई फाइदा पुग्ने वडा अध्यक्ष सापकोटाको भनाई छ । ग्यासको मूल्य बृद्धि भइरहेको वेला विद्युतीय साम्रगीले वातावरण स्वच्छ हुने भएकाले पनि यो कार्य राम्रो भएको उहाँले बताउनुभयो ।

कार्यक्रममा युएसएड अन्र्तगत स्वच्छ हावा कार्यक्रमको तर्फबाट सिर्जना साक्यले इन्डक्सन चुल्हो प्रयोग गर्ने तरिका र यसले वातावरणमा पार्ने प्रभावका बारेमा इन्डक्सन चुल्हो प्रयोग कर्ताहरुलाई प्रशिक्षण प्रदान गर्दै विश्वमा वायु प्रदूषणका प्रभावहरुले मानवीय स्वास्थ्यमा नकारात्मक प्रभाव परिरहेको जानकारी दिनुभयो ।

सरकारले काठमाडौं उपत्यका वायु गुणस्तर व्यवस्थापन कार्ययोजना २०७६ अनुमोदन गरेसंगै प्रभावकारी कार्यान्वयन भए मानिसले स्वच्छ हावा प्राप्त गर्ने अधिकार पाउँने तर्क गर्नुभयो ।

कार्यक्रममा सूर्यविनायक नगरपालिका कार्यपालिका सदस्य सुमन परियारले वातावरण मैत्री चुल्हो वितरण गर्न पाउँदा खुशी लागेको बताउनुभयो । उहाँले सूर्यविनायक नगरपालिकाका १० वटा वडामै वातावरण मैत्री चुल्हो बाड्दा अझ उपयुक्त हुने बताउनुभयो ।