- २६ असार २०८३, शुक्रबार / Jul 10, 2026
काठमाडौँ, ५ पुष । वैदेशिक रोजगारीमा जाने कामदारहरूको स्वास्थ्य परीक्षण शुल्क वृद्धि खारेज गरिएको छ। श्रम, रोजगार तथा सामाजिक सुरक्षा मन्त्री राजेन्द्रसिंह भण्डारीले पुरानै शुल्क कायम गर्दै ६,५०० रुपैयाँ यथावत् राखेका छन्।
यसअघि स्वास्थ्य परीक्षण शुल्क ६,५०० रुपैयाँबाट बढाएर ९,५०० रुपैयाँ गराइएको थियो। तर शुल्क वृद्धिले गरिबी र विपन्न अवस्थामा रहेका कामदारमाथि आर्थिक भार परेको भन्दै चौतर्फी आलोचना भएको थियो।
गत २०८१ मङ्सिरमा तत्कालीन श्रममन्त्री शरदसिंह भण्डारीले मन्त्रीस्तरीय निर्णयमार्फत स्वास्थ्य परीक्षण शुल्क ९,५०० रुपैयाँ कायम गरेका थिए। त्यसयता विरोधपछि सो शुल्क कार्यान्वयन रोकिएको थियो।
गत मङ्सिरमा पुनः शुल्क वृद्धि भएपछि नयाँ मन्त्री राजेन्द्रसिंह भण्डारीले मन्त्रिस्तरीय निर्णयमार्फत यसलाई खारेज गर्दै पुरानै ६,५०० रुपैयाँमा ल्याएका हुन्।
