- २९ श्रावण २०८३, शुक्रबार / Aug 14, 2026
पर्वत । कुश्मा नगरपालिकाका प्रमुख प्रशासकीय अधिकृत उदय बहादुर पराजुली पक्राउ परेका छन् । बुधबार उनलाई कार्यकक्षबाटै प्रहरीले पक्राउ गरेको हो ।
जिल्ला प्रहरी कार्यालय कास्कीले पक्राउ गरिदिन भन्दै पर्वतलाई पत्राचार गरेपछि उनलाई पक्राउ गरी आजै पोखरा पठाउने तयारी कार्य भएको प्रमुख जिल्ला अधिकारी प्रेम प्रसाद आचार्यले बताए ।
मित्रमिलन बचत तथा ऋण सहकारीमा बचत गरेको सर्वसाधारणको रकम अपचलन गरेको आरोपमा पक्राउ परेका अध्यक्ष रमण पौडेल र व्यवस्थापक किरण अधिकारीले सहकारीको कार्यक्षेत्र विस्तार गर्दा आफूहरूले रजिष्ट्रार पराजुलीलाई घुस खुवाएको बयान दिएका थिए ।
स्याङ्जामा सहकारीको सेवा केन्द्र बिस्तार गर्दा तत्कालीन सहकारी रजिष्ट्रारको कार्यालय गण्डकीका प्रमुख रजिष्ट्रार पराजुलीलाई १ करोड १५ लाख रुपैयाँ घुस दिएका थिए ।
