- २ आश्विन २०८३, शुक्रबार / Sep 18, 2026
भक्तपुर । सूर्यविनायक पनौती सडकखण्ड अन्तर्गत घ्याम्पेडाडा रानीकोटमा पहिरो खस्दा बाटो अवरूद्व भएको छ । झरीसंगै पहिरो खस्दा सडक भत्किएको हो । सडक अवरूद्व भएपछि साना सवारी साधन रोकिएका छन् ।
बाटो बन्द भएपछि काभ्रेको पनौतीबाट सूर्यविनायक आउने यात्रुले सास्ती खेप्न परेको छ । अहिले बाटो खुलाउने कार्य चलिरहेको र करिब २ घण्टाको प्रयासबाट सडकमा ढलेका रूख पन्छाउने कार्य पूरा भएको प्रहरीले जनाएको छ । डोजरले माटो पन्छाउने कार्य जारी छ ।
साँझसम्म सवारी आवतजावत गर्ने गरि स्थानीयले पनि माटो पन्छाउने काम गरिरहेको मननारायण श्रेष्ठले बताए । अहिले पनि पहिरोको जोखिम बढेकाले वैकल्पिक मार्ग प्रयोग गर्न भनिएको जगाती प्रहरीले बताएको छ ।
पानीका कारण ठाउँठाउँमा पहिरो जाने, सडक भासिने समस्या देखिएपछि वैकल्पिक बाटो प्रयोग गर्न आग्रह गरिएको छ । सडक बन्द हुँदा यसक्षेत्रका होटल तथा रेष्टुराहरू पनि प्रभावित भएका छन्
।
