सुनचाँदीको मूल्य बढ्याे

काठमाडौँ । बजारमा आज सुनचाँदीको मूल्य बढेको छ । सुन तोलामा ६०० रुपैयाँले बढेको नेपाल सुनचाँदी व्यवसायी महासङ्घले जनाएको छ ।

छापावाल सुन तोलाको एक लाख १६ हजार ९०० रुपैयाँमा कारोबार भइरहेको छ । अघिल्लो दिन छापावाल सुन तोलाको एक लाख १६ हजार ३०० रुपैयाँमा कारोबार भएको थियो ।

तेजाबी सुन तोलाको एक लाख १६ हजार ३५० रुपैयाँमा कारोबार भइरहेको छ । चाँदीको मूल्य तोलामा ३५ रुपैयाँले बढेको छ ।

चाँदी तोलाको एक हजार ४८५ रुपैयाँमा कारोबार भइरहेको महासङ्घले जानकारी दिएको छ ।