- ६ असार २०८३, शनिबार / Jun 20, 2026
काठमाण्डौ। स्वास्थ्य बीमा बोर्डको दाबी भुक्तानी मूल्याङ्कन कार्यलाई सहज बनाउन अस्थायी दरबन्दी थप गरिने भएको छ। स्वास्थ्य तथा जनसङ्ख्यामन्त्री प्रदीप पौडेलको प्रस्तावमा मन्त्रिपरिषद्ले सहमति जनाउँदै बोर्डका लागि चार सय दुई अस्थायी जनशक्ति थप्ने निर्णय गरेको हो।
बोर्डमा जनशक्ति अभावका कारण, साउन महिना सम्मको दाबी मात्र मूल्याङ्कन गर्न सकिएको थियो। अब थप हुने जनशक्तिले चालु आर्थिक वर्षभित्र बाँकी दाबीहरूको मूल्याङ्कन कार्य पूरा गर्न मद्दत पुर्याउने अपेक्षा गरिएको छ।
यसै गरी, स्वास्थ्य बीमा बोर्डको कार्यसम्पादनमा सुधार ल्याउन खजुरा, धनगढी र डडेलधुरा अस्पतालका लागि पनि अस्थायी दरबन्दी स्वीकृत गरिएको छ। खजुरामा एक सय २९, धनगढीमा एक सय ४१ र डडेलधुरामा तीन सय १३ जनाको अस्थायी दरबन्दी थप गरिनेछ। यसले ती अस्पतालहरूमा रहेको जनशक्ति अभावको समस्या समाधान गर्ने विश्वास गरिएको छ।
