तीन दिनसम्म भारी वर्षाको सम्भावना, पूर्वी तराईमा विशेष सतर्कता आवश्यक

काठमाडाैं, १५ जेठ । पश्चिमी र स्थानीय वायु तथा बङ्गालको खाडीबाट आएको जलवाष्पयुक्त हावाको प्रभावले देशभर वर्षा भइरहेका बेला आगामी तीन दिनसम्म अझ ठूलो वर्षाको सम्भावना रहेको मौसमविद्ले जनाएका छन्।

विशेषगरी लुम्बिनी, गण्डकी, कोशी र पूर्वी तराई क्षेत्रका विभिन्न भागहरूमा भारी वर्षा हुने अनुमान गरिएको छ। अर्घाखाँचीमा पछिल्लो ३ घण्टामा ७४.२ मिमि वर्षा मापन गरिएको छ। बिहीबारदेखि जलवाष्प प्रणाली थप सक्रिय हुने र शनिवारदेखि मनसुन सुरु हुने सम्भावना रहेकाे जलवायु विज्ञले बताएका छन्।

काठमाण्डौ उपत्यकासहित उच्च हिमाली क्षेत्रमा हल्का वर्षासहित हिमपातको पनि सम्भावना रहेको छ। यस सन्दर्भमा स्थानीय प्रशासन र नागरिकहरूलाई सतर्कता अपनाउन मौसम विभागले आग्रह गरेको छ।