भीमफेदीमा सुक्खा पहिरोले कान्तिलोकपथ अवरुद्ध, सडक खुलाउन प्रयास जारी

मकवानपुर, १५ जेठ । मकवानपुरको भीमफेदी गाउँपालिका–८ भर्‍याङडाँडामा सुक्खा पहिरो खस्दा कान्तिलोकपथ पूर्ण रूपमा अवरुद्ध भएको छ।

जिल्ला प्रहरी कार्यालय मकवानपुरका प्रवक्ता श्यामु अर्यालका अनुसार आज बिहान करिब ३:०० बजे ढुङ्गासहितको पहिरो खसेको हो। सडक विभागसँग समन्वय गरेर पहिरो हटाउने प्रयास भइरहेको जानकारी प्राप्त भएको छ।

कान्तिलोकपथ अवरुद्ध हुँदा यातायात ठप्प भएको छ भने यात्रु र सवारी साधन बाटोमा अलपत्र परेका छन्।