बुद्वभुमि मानव सेवा आश्रमलाई सहयोग

सुर्खेत । बुद्वभुमि मानव सेवा आश्रमलाई सहयोग प्राप्त हुने क्रम जारी छ । यरिचोक स्थित महेश किरण यस ईन्टरप्राईजेसले आश्रमलाई फलफूल सहयोग गरेको छ भने नेपाल राष्ट्रिय मा.वि. विरेन्द्रनगर ६ सुर्खेतले खाद्यान्न सामाग्रीसहित नगद सहयोग गरेको छ ।

२०८० सालमा स्थापना आश्रमलाई ईन्टरप्राईजेसका प्रो। गिता नेपाली र महेश नेपालीले सहयोग गरेका हुन भने मा। विका शिक्षकले करिब १० हजार बराबरमो दाल चामल सहयोग गरेको आश्रमका अध्यक्ष खम्ब प्रसाद जैसीले कैलाश खबरलाई बताए ।

अशक्त, असाहय, फरकक्षमताका व्यक्ति, मनोरोग, बेवारिसेहरूलाई सेवा दिदै आएको र चिकित्‍सा सेवासहित अन्य सेवा सुविधा दिदै आएको छ । हाल आश्रममा १२ जना बस्दै आएका छन् ।