- २१ कार्तिक २०८३, शनिबार / Nov 7, 2026
काठमाडौं । अमेरिकाले विपद् प्रतिकार्यका लागि नेपाली सेनालाई हेलिकोप्टर सहयोग गर्ने भएको छ । नेपाल भ्रमणका क्रममा अमेरिकी उप–विदेशमन्त्री रिचार्ड बर्माले सेनालाई हेलिकोप्टर खरिदका लागि सहयोग गर्न तयार रहेको बताएका हुन ।
नेपालस्थित अमेरिकी दूतावासले विज्ञप्ति जारी गरेको छ । प्रधानसेनापति प्रभुराम शर्मा अमेरिका भ्रमणमा गएका बेला नेपाली सेनाले दुई वटा हेलिकोप्टर खरिदका लागि सहयोग गर्न आग्रह गरेको थियो ।
यसपटक उपविदेश मन्त्रीको भ्रमणका बेला त्यो प्रस्तावमा अमेरिका सहमत भएको हो । वैदेशिक सहायता शीर्षकमा यो सहयोग गर्न लागेको सेनाले जनाएको छ । रिचार्डले नेपाल बसाइका क्रममा प्रधानमन्त्री केपी शर्मा ओली, परराष्ट्रमन्त्री आरजु राणा भ्रमणका क्रममा एमसीसी परियोजनाको उपलब्धिबारे नेपालस्थित कार्यालयका अधिकारीहरुसँग छलफल समेत गरेका थिए ।
