हेटौँडा सडक विस्तारविरुद्ध दायर मुद्दामा आज सर्वोच्च अदालतमा सुनुवाइ

काठमाडाैं । हेटौँडा बजार क्षेत्रको सडक विस्तारको निर्णयविरुद्ध दायर गरिएको रिट निवेदनमा आज सर्वोच्च अदालतमा सुनुवाइ हुँदैछ । सर्वोच्च अदालतको इजलास नम्बर २ मा परेकाे मुद्दामा न्यायाधीश कुमार रेग्मी र महेश शर्मा पौडेल को संयुक्त इजलासले सुनुवाइ गर्नेछ ।

डिभिजन सडक कार्यालय हेटौँडाको निर्णयविरुद्ध १६ मंसिरमा रास्वपा नेतृ तथा पूर्वसांसद विन्दवासिनी कंसकारसहित ६ जनाले रिट दायर गरेका थिए । सर्वोच्च अदालतले सो मुद्दामा १९ मंसिरमा उत्प्रेषण आदेश जारी गरेको थियो । दैनिक पेसी सूचीअनुसार उक्त मुद्दा आज सुनुवाइका लागि ‘ख’ क्रममा सूचीकृत छ ।

विन्दवासिनी कंसकार र अन्य स्थानीयले डिभिजन सडक कार्यालय हेटौँडा, मकवानपुर लगायतका निकायलाई विपक्षी बनाउँदै सडक विस्तारको निर्णय कानुनी रूपमा प्रश्न उठाएका छन् ।