हिमा गाउँपालिका साक्षर घोषणा

जुम्ला । हिमा गाउँपालिकालाई साक्षर घोषणा गरिएको छ । जिल्लाका आठ स्थानीय तहमध्ये साक्षर घोषणामा हिमा पहिलो स्थानीय तह बनेको छ । पालिकाले सार्वजनिक गरेको तथ्यांकअनुसार हिमाको कूल जनसंख्या १२ हजार आठ सय चार छ ।

तीमध्ये १२ हजार दुई सय ५६ जना अर्थात् ९५ दशमलव ७२ प्रतिशत नागरिक साक्षर भएका जनाएको छ । स्नातकोत्तर तहसम्म अध्ययन गरेका ५५ , स्नातक गरेका एक सय ५५, प्रविणता प्रमाणपत्र तह उत्तीर्ण आठ सय जना छन् ।

उच्च माविसम्म अध्ययन गरेका एक हजार एक सय ९६, प्रवेशिका परीक्षा ९एसएलसी० उत्तीर्ण गरेका ९५० र माध्यामिक शिक्षा परीक्षा SEE उत्तीर्ण गरेका एक हजार छ सय ४८ जना छन् ।