- २६ असार २०८३, शुक्रबार / Jul 10, 2026
जेनजी आन्दोलनपछि भारतले ट्राभल एड्भाइजरी जारी
नेपालमा हाल स्थिति सुध्रिएको भए पनि सतर्कता अपनाउन आवश्यक
सडकमार्ग र हवाई उडान नियमित रूपमा सञ्चालनमा
भारतीय नागरिकलाई दूतावास वा स्थानीय प्रशासनको एड्भाइजरी पालना गर्न सुझाइएको
हेल्पलाइन, आपतकालीन नम्बर र इमेलमार्फत सम्पर्क गर्न सकिने
काठमाडौँ, ४ असाेज । जेनजी आन्दोलनपछि उत्पन्न विषम अवस्थामा भारतले आफ्ना नागरिकलाई नेपाल यात्रामा सतर्कता अपनाउन आग्रह गर्दै ट्राभल एड्भाइजरी जारी गरेको छ।
भारतीय दूतावासले भदौ २३ र २४ गतेको आन्दोलनपछि उत्पन्न अवस्था पछिल्ला दिनमा सुध्रिएको भए पनि यात्रा गर्दा सतर्क रहन सुझाव दिएको छ।
एड्भाइजरीमा उल्लेख छ कि सडकमार्ग र हवाई उडानहरू नियमित रूपमा सञ्चालनमा भए पनि नेपालमा यात्रा गर्ने भारतीय नागरिकले सतर्कता अपनाउनुपर्नेछ।
दूतावासले भारतीय नागरिकलाई स्थानीय प्रशासन र दूतावासबाट जारी हुने एड्भाइजरीको पालना गर्न सुझाव दिएको छ। आवश्यक परेमा सम्पर्क गर्न हेल्पलाइन नम्बर, आपतकालीन नम्बर र इमेल पनि सार्वजनिक गरिएको छ।
