- ११ श्रावण २०८३, सोमबार / Jul 27, 2026
काठमाडौं । कैलाश खबरको कार्यक्रम “संगीत समर्पण”की सञ्चालिका तथा गायिक सपना शाही इन्टरनेसनल म्युजिक अवार्डबाट सम्मानित हुनुभएको छ ।
केही दिन अघि भारतको चण्डीगढमा प्रवासी साझा मञ्चले गरेको कार्यक्रममा सकारात्मक सोचकी धनी गायिका सपना शाही भारती इन्टरनेशनल म्युजिक अवार्ड (२०२४) बाट सम्मानित गरिएको हो । नेमबहादुर शाहीको शब्द र धिरेन्द्र शाहीको लय रहेको तीन चुलीका अग्ला शिर बोलको देउडा गीतमा स्वर दिएकी शाहीलाई देउडा गायन तर्फको अवार्ड दिइएको हो ।
कर्णाली प्रदेशको दैलेख जिल्लामा जन्मेकी शाहीले झन्डै लोक र देउडा विधामा तीन दर्जन गीत रेकर्ड गराइसकेकी छन् । संगीतमा सेन्देश दिनुपर्छ भन्ने शाही लोक गीतलाई आफ्नो कर्म बनाउँदै देउडा गीतलाई पनि उत्तीकै न्याय दिदै आनुभएको छ ।
भारतको चण्डीगढमा आयोजना गरिएको उक्त कार्यक्रममा नेपालका तर्फबाट भन्डै तीन दर्जन कलाकारहरुको उपस्थिति रहेको थियो । शाहीले अन्तर्राष्ट्रिय स्तरमा पाएको अवार्डले आफूलाई गायन क्षेत्रमा थप जिम्मेवार भएर कर्मलाई निरन्तरता दिन अभिप्रेरित गरेको बताउनुभयो ।
पछिल्लो समय कैलाश खबरको कार्यक्रम संगीत समर्पणबाट पनि कला क्षेत्रलाई कर्म बनाइरहका कलाकारहरुको अनुभव, पीरमर्का र सफलताका कथाहरुलाई शाहीले उजागर गर्दै आउनुभएको छ ।
