रवि लामिछाने सहित २६ जनासँग सोधपुछ गर्दै सहकारी छानबिन समिति

काठमाडौं । सहकारी संस्थाका बचत ठगीसम्बन्धी छानबिन गर्न बनेको संसदीय समितिले २६ जनासँग आवश्यक सोधपुछ गर्ने भएको छ। समितिका सभापति सूर्य थापाका अनुसार २६ जनासँग समितिले सोधपुछ गर्ने निर्णय गरेको छ।

तथ्यमा केन्द्रित रहेर समितिले सोधपुछ गर्नेसमेत उनले बताएका छन्। राष्ट्रिय स्वतन्त्र पार्टीका सभापतिसमेत रहेका निवर्तमान उपप्रधान तथा गृहमन्त्री रवि लामिछानेसहित २६ जनामाथि समितिले सोधपुछ गर्न लागेको हो। सहकारीका बचत ठगी प्रकरणमा लामिछाने पनि संलग्न रहेको भन्दै नेपाली कांग्रेसले संसदीय छानबिन समिति गठनको माग गरेपछि उक्त समिति गठन गरिएको थियो।

ओरेन्टलका निलम्बित अध्यक्ष सुधीर बस्नेत, साझा सहकारी संस्थापक विश्वबन्धु थापासँग समेत छलफल गरेको उनले बताए ।