- ६ कार्तिक २०८३, शुक्रबार / Oct 23, 2026
काठमाण्डौ, २४ साउन । आज जनै पूर्णिमाको अवसरमा एघार थरिका गेडागुडी मिसाएर टुसा उमारेर बनाइने पोषणयुक्त परिकार ‘क्वाँटी’ खाने परम्परा रहेको छ।
मास, भटमास, मस्याम, हरियो र सेतो केराउ, सानो केराउ, कालो चना, सेतो चना, सिमी, बोडी, बकुल्ला र मुंगलगायतका गेडागुडी मिसाएर बनाइने यो परिकार विशेषगरी नेवारी समुदायमा लोकप्रिय छ।
नेवारी भाषामा ‘क्वाँ’ भनेको तातो र ‘टी’ भनेको झोल हो। बर्खाको मौसममा खेतीपाती गर्ने किसानलाई पौष्टिक आहारको आवश्यकता हुने भएकाले क्वाँटी खाने चलन छ। पानीमा भिजाएर टुसा उमारिएका गेडागुडी पकाएर बनाइने क्वाँटीले शरीरमा रोग प्रतिरोधात्मक क्षमता बढाउने, पेट सफा गर्ने र चिसो हटाई शरीरमा तापको सञ्चार गर्ने धार्मिक तथा आयुर्वेदिक विश्वास छ।
डाक्टरका अनुसार क्वाँटीमा पाइने विभिन्न पोषक तत्वहरूले स्वास्थ्यलाई दीर्घकालीन रूपमा लाभ पुर्याउँछन्।
