- ४ बैशाख २०८३, शुक्रबार / Apr 17, 2026
धनुषा । मिथिला नगरपालिका–७, ढल्केबरस्थित जनकपुर रिफाइनरीमा गए राति भएको आगलागीबाट ठूलो आर्थिक क्षति भएको छ ।
रिफाइनरीका प्रबन्धक सञ्जय गुप्ताका अनुसार आगलागीबाट करिब १५ करोड रुपैयाँ बराबरको क्षति भएको प्रारम्भिक अनुमान गरिएको छ । आगलागीका कारण रिफाइनरीमा जडान गरिएका स्टिम र थर्मोफुल मेसिन पूर्ण रूपमा जलेर नष्ट भएका छन् ।
आगो नियन्त्रणका लागि जनकपुर, महेन्द्रनगर र ढल्केबरबाट पाँचवटा वारुणयन्त्र परिचालन गरिएको थियो । नेपाल प्रहरी, सशस्त्र प्रहरी बल र नेपाली सेनाको संयुक्त प्रयासमा करिब दुई घण्टापछि आगो नियन्त्रणमा लिइएको थियो ।
इलाका प्रहरी कार्यालय ढल्केबरका प्रहरी निरीक्षक लक्ष्मण केसीका अनुसार घटनाबाट भएको क्षतिको विस्तृत विवरण सङ्कलन गर्ने काम जारी रहेको छ । आगलागीको कारण भने हालसम्म खुल्न सकेको छैन ।
