- २३ श्रावण २०८३, शनिबार / Aug 8, 2026
झापा, २३ असार । झापाको बुद्धशान्ति गाउँपालिका–३, सयपत्री टोलमा आइतबार साँझ करेण्ट लागेर एकजनाको मृत्यु भएको छ।
मृतक ३९ वर्षीय रोशन जिमी घर नजिकैको खेतमा रोपाइँका लागि पानी तान्ने मोटर सेट जडान गर्ने क्रममा करेन्ट लागेर गम्भीर घाइते भएका थिए।
प्रहरी नायब उपरीक्षक खगेन्द्रबहादुर खड्काका अनुसार साँझ ७ बजेतिर जिमीलाई करेन्ट लागेपछि स्थानीयवासीले तुरुन्तै उनलाई बिर्तामोडस्थित बीएण्डसी अस्पताल पुर्याएका थिए।
तर, उपचारकै क्रममा चिकित्सकले उनलाई मृत घोषणा गरेका हुन्। प्रहरीले घटनाबारे आवश्यक अनुसन्धान जारी रहेको जानकारी दिएको छ।
