- ३१ आश्विन २०८३, शनिबार / Oct 17, 2026
काठमाडौं । साढे ८ लाख नगदसहित १२ जना जुवाडे पक्राउ परेका छन् ।आइतबार राति घरपझोङ गाउँपालिका-२ मार्फास्थित फिरोज लालचनको माउन्ट भिल्ला एण्ड रेष्टुरेन्टबाट नियन्त्रणमा लिइएको प्रहरीले जनाएको छ ।
उनीहरूको साथबाट ८ लाख ५२ हजार ८०० नगदसहित ८ बुक तास बरामद गरिएको छ ।पक्राउ परेकाहरूलाई म्याद थप गरेर अनुसन्धान गरिने जिल्ल्ला प्रहरी कार्यालय मुस्ताङका सूचना अधिकारी गणेश सुवेदीले जानकारी दिए ।
पक्राउ पर्नेहरू
मुस्ताङ घरपझोङ गाउँपालिका वडा नं. ०२ मार्फा बस्ने वर्ष ५० का सुरज लालचन, वर्ष ५६ का राजु लालचन, वर्ष ५० का जेम्स हिराचन, वर्ष ५३ का गुन्ज हिराचन, वर्ष ६० का दल बहादुर हिराचन, वर्ष ५० का विश्वलालचन, कास्की पोखरा महानगरपालिका वडा नं. ९ स्थायी घर वतन भई हाल घरपझोङ गाउँपालिका वडा नं. २ बस्ने
वर्ष ५९ का आईत ज्वारचन,घरपझोङ गाउँपालिका वडा नं. २ मार्फा वर्ष ३८ का समिर ज्वारचन, वर्ष ५० का कविन ज्वारचन, बस्ने वर्ष ६५ का याम प्रसाद मगर, वर्ष ४० का सन्तोष लालचन, कास्की पोखराका घरपझोङ गाउँपालिका वडा नं. २ बस्ने वर्ष ६० का कमल हिराचन छन् ।
