सिरोहियालाई पञ्चायती शैलीमा पक्राउ गरिएको महासचिव लम्सालको जिकिर

काठमाडौँ । नेपाल मिडिया सोसाइटीका महासचिव मदन लम्सालले कान्तिपुर मिडिया ग्रुपका अध्यक्ष कैलाश सिरोहियालाई पञ्चायती शैलीमा पक्राउ गरिएको बताएका छन् । आज सेन्ट्रल बिजनेस पार्कमा आयोजित पत्रकार सम्मेलनमा महासचिव लम्सालले यस्तो बताएका हुन् ।

गृह प्रशासन र सरकारका तर्फबाट गलत कदम चालिएको उनको भनाइ छ । बताएका हुन् । कानुनअनुसार जसलाई पनि सोधपुछ र छानबिन गर्न पाइने उल्लेख गर्दै लम्सालले सिरोहियालाई तानाशाही शैलीमा सञ्चार गृहबाट पक्राउ गरिएको बताएका हुन् ।

विश्वभर नै तानाशाही सरकारबाट सञ्चार उद्योगलाई आक्रमण हुने गरेको पनि महासचिव लम्सालको भनाइ छ । कान्तिपुर मिडिया ग्रुपका अध्यक्ष सिरोहियालाई जिल्ला प्रशासनले दिएको नागरिकताको नम्बर अर्को व्यक्तिसँग मिलेको आरोपमा हिजो कार्यकक्षबाटै गिरफ्तार गरिएको थियो ।