महामन्त्रीद्वय गगन-विश्वप्रकाशको नेतृत्व असफल भइसकेको दाबी : नेता कल्याण गुरुङ

काठमाडौँ, ११ मंसिर । नेपाली कांग्रेसका केन्द्रीय सदस्य कल्याण गुरुङले पार्टीका महामन्त्रीद्वय गगन थापा र विश्वप्रकाश शर्माको नीति र नेतृत्व दुवै असफल भइसकेको टिप्पणी गरेका छन् ।

सामाजिक सञ्जालमार्फत प्रतिक्रिया दिँदै उनले दुवै महामन्त्रीद्वारा गोदावरीमा प्रस्तुत प्रस्तावहरू समयअनुकूल नभई पूर्णरूपमा असान्दर्भिक र निष्फल साबित भएको दाबी गरे । गुरुङले लेखेका छन्,  “दुई महामन्त्रीले प्रस्तुत गरेका प्रस्ताव असान्दर्भिक भइसकेका छन् । त्यांच्या नीति असफल भइसकेका छन् र उहाँहरूकाे नेतृत्वले पनि उचित परिणाम दिन सकेकाे अवस्था छैन । यस्तो अवस्थामा उनीहरू कुन नैतिकताले पदीय दायित्वमा रहिरहन सक्ने ?”

देश अत्यन्त संवेदनशील मोडमा पुगेको बेला नेपाली कांग्रेसले राष्ट्रिय राजनीतिमा जिम्मेवार र सक्रिय भूमिका खेल्नुपर्ने उनकाे तर्क छ । तर विधानको धारा १७(२) को व्याख्यामा दुवै महामन्त्रीले गलत तर्क गर्दै पार्टीलाई विचलित पारेको उनको आरोप छ ।

गुरुङको यो टिप्पणीले कांग्रेसभित्र चलिरहेको रणनीतिक वाद-विवाद र नेतृत्वको प्रभावकारिताबारे फेरि चर्चा बढाएको छ ।