फेरीपनि कामीरिताको नयाँ कीर्तिमान

काठमाडौं । कामीरिता शेर्पाले फेरी सगरमाथा आरोहण गरी नयाँ कीर्तिमान कायम गरेका छन् । ३० औं पटक उनले आज बिहान ७ बजेर ४९ मिनेटमा चुचुरो चुमेका हुन् ।

सगरमाथा आधारशिविरस्थित पर्यटन विभागको अस्थायी कार्यालयका प्रमुख खिमलाल गौतमले भने, ‘कामीरिता शेर्पाले सगरमाथा शिखरमा ३० औँ पटक पाइला टेकेर नयाँ कीतिर्मान कायम गर्नुभएको छ ।’

जारी आरोहणमा उनले यसअघि धेरैपटक सगरमाथाको सफल आरोहण गरिसकेका छन् ।आजसम्म आरोही र शेर्पा सहयोगी गरी ४ सय ६० भन्दा बढीले सगरमाथा आरोहण गरिसकेका छन् । खुम्बु पासाङ्ल्हामु गाउँपालिकाको थामेका ५४ वर्षीय कामिरिता कुशल पर्वतारोही पथप्रदर्शक हुन् ।