कानुन समितिको बैठक प्रभावित

काठमाडौं । दलहरु छलफलमा व्यस्त भएपछि कानुन समितिको बैठक प्रभावित भएको छ ।

सत्य निरुपण तथा मेलमिलाप आयोग र बेपत्ता छानबिन आयोगसम्बन्धी विधेयकको संशोध प्रतिवेदनको मस्यौदालाई टुंगो लगाउन आज बिहान ७ स्४५ बजे समितिको बैठक बोलाइएको थियो ।

निर्धारित समयको एक घण्टासम्म बैठक सुरु हुन नसकेपछि समितिका सचिव अधिराज राईले स्थगित भएको जानकारी दिए ।

कांग्रेसका केही सांसदहरु समयमै बैठक कक्षमा पुगेका थिए तर अरु सांसद नआएपछि बैठक स्थगित भएको हो ।