- १५ श्रावण २०८३, शुक्रबार / Jul 31, 2026
काठमाडौं । मन्त्रिपरिषद् पुनर्गठन एवं राष्ट्रिय सभा निर्वाचन लगायत विषयमा सत्ता गठबन्धनभित्र अविश्वास बढ्दै गएको छ । राजनीतिमा नयाँ घटनाक्रम विकसित भएपछि अहिले दलहरू आन्तरिक छलफलमा जुटेका छन् ।
पछिल्लो विकसित राजनीतिक घटनाक्रमसँगै राजनीतिक दलहरु बिहानैदेखि कसरत गरिरहेका छन् । सत्तारुढ दल नेकपा माओवादी केन्द्रको पदाधिकारी बैठक बालुवाटारमा बसेको छ भने नेकपा एमालेको सचवालय बैठक बालकोटमा बसिरहेको छ ।
प्रधानमन्त्री पुष्पकमल दाहाल प्रचण्डले एमाले अध्यक्ष केपी शर्मा ओलीसँग वार्ता गरेको स्रोतको दावी छ । हिजो साँझ पनि प्रधानमन्त्री प्रचण्ड र एमाले अध्यक्ष ओलीसहितका नेताहरुबीच छलफल भएको थियो ।
संक्रमणकालीन न्यायसम्बन्धी विधेयकमा केन्द्रित भएको भनिए पनि नयाँ राजनीतिक समीकरणबारे छलफल भएको बताइएको छ । राष्ट्रिय स्वतन्त्र पार्टी ९रास्वपा०को सचिवालय बैठक बसिरहेको छ । पार्टी कार्यालयमा जारी बैठकले वर्तमान राजनीतिक परिस्थितिका विषयमा छलफल गर्दै आवश्यक निर्णय लिने बताइएको छ ।
एमाले र माओवादी दुईपक्षीय छलफल भएपछि बोलाइएको सत्ता गठबन्धनको बैठक स्थगित भएको छ । सत्तारूढ कांग्रेस र माओवादीबीच अविश्वास बढेको भन्ने कुरा पछिल्लो समय सार्वजनिक भैरहँदा विकसित पछिल्लो राजनीतिक घटनाक्रमले नयाँ मोडलिने नेताहरूले बताएका छन् ।
