- ८ बैशाख २०८३, मंगलवार / Apr 21, 2026
मुख्य बुँदा
कर्णाली प्रदेश सवारी तथा यातायात व्यवस्था नियमावली २०८२ स्वीकृत
महाबै गाउँपालिकाको सडक राष्ट्रिय प्राथमिकता आयोजनामा सिफारिस
जाजरकोटको वडावन सानाखोला सडकलाई पनि प्राथमिकता आयोजनामा राख्ने निर्णय
मन्त्रिपरिषद् बैठक मङ्गलवार बिहान बसेको थियो
सुर्खेत, ८ बैशाख । कर्णाली प्रदेश मन्त्रिपरिषद् को मङ्गलवार बिहान बसेको बैठकले सवारी तथा यातायात व्यवस्था नियमावली स्वीकृत गर्नुका साथै विभिन्न सडक आयोजनालाई राष्ट्रिय प्राथमिकतामा समावेश गर्न सिफारिस गर्ने निर्णय गरेको छ।
सरकारका प्रवक्ता विनोदकुमार शाह का अनुसार बैठकले कर्णाली प्रदेश सवारी तथा यातायात व्यवस्था नियमावली, २०८२ स्वीकृत गर्ने निर्णय गरेको हो। ठकले महाबै गाउँपालिका को केन्द्र जोड्ने सडकलाई प्रादेशिक प्राथमिकता आयोजनाको रूपमा समावेश गरी राष्ट्रिय प्राथमिकता प्राप्त आयोजनामा राख्न राष्ट्रिय योजना आयोगमा सिफारिस गर्ने निर्णय पनि गरेको छ।
त्यसैगरी वडावन सानाखोला सडक लाई पनि प्रादेशिक प्राथमिकता आयोजनामा समावेश गरी राष्ट्रिय प्राथमिकता प्राप्त आयोजनाको सूचीमा राख्न राष्ट्रिय योजना आयोगमा सिफारिस गर्ने निर्णय गरिएको प्रवक्ता शाहले जानकारी दिए।
