ट्रकसहित ८९० क्यू फिट अवैध काठ बरामद

मुस्ताङ । लुकाईछिपाई ट्रकमा लोड गरी मुस्ताङ ल्याइएको अवैध काठ प्रहरीले बरामद गरेको छ । म्याग्दीको बेनीबाट मुस्ताङको जोमसोमतर्फ आउँदै गरेको ग २ ख नम्बरको ट्रकमा लुकाई छिपाई ल्याइएको अवैध चिरान गरिएको काठ जिल्ला प्रहरी कार्यालय मुस्ताङले नियन्त्रणमा लिएको हो ।

यसअघि आइतबार राति १० बजेको समयमा म्याग्दीको बेनीबाट मुस्ताङतर्फ अवैध काठ ट्रकमा लोड गरी लैजाँदै गरेको भन्ने गोप्य सूचना जिल्ला प्रहरी कार्यालय मुस्ताङलाई उपलब्ध गराइपछि मुस्ताङ प्रहरीले काठ लोड गरिएको ट्रकको खोजतलास सुरु गरेको थियो।

घरपझोङ गाउँपालिका–४ जोमसोम स्थित पक्की पुलतर्फ आउँदै गरेको अवस्थामा मंगलबार बिहान २ बजेको समयमा चालकसहित उक्त ट्रकलाई नियन्त्रणमा लिएको प्रहरी नायब उपरीक्षक भोजराज पाण्डेयले जानकारी दिए। बरामद भएको काठ अन्दाजी ८९९ दशमलव ९६ क्यू फिट भएको र काठको मूल्य करिब १ लाख १२ हजार बराबरको भएको जनाइएको छ।