- ३१ श्रावण २०८३, आईतवार / Aug 16, 2026
काठमाडौँ, १९ वैशाख । काठमाडौँ महानगरपालिकाले माछापोखरी क्षेत्रमा तरकारी व्यापारी र पसलहरूलाई हटाएको विरोधमा नुवाकोटमा प्रदर्शन भएको छ। यसका कारण काठमाडौँबाट फोहोर बोकेर सिसडोल डम्पिङ साइटतर्फ जाँदै गरेका गाडीहरू बाटोमै रोकिएका छन् ।
नुवाकोटको ककनी गाउँपालिका–१ का स्थानीयले सडक अवरुद्ध गरेपछि फोहोर बोकेका करिब दुई दर्जन गाडीहरू तिनपिप्ले क्षेत्रमा रोकिएका छन्। स्थानीय बासिन्दाहरूले काठमाडौँ महानगरपालिकासँगको वार्तामा आफ्ना मागहरू पूरा नभएको भन्दै सडक बन्द गरेको बताएका छन् ।
हाल तिनपिप्ले–सिसडोल सडक खण्डमा सार्वजनिक र निजी सवारी साधनलाई आवागमन गर्न दिइए पनि फोहोर बोकेका गाडीहरूलाई भने रोक लगाइएको छ। स्थानीयले महानगरपालिकासँग थप छलफल र माग सम्बोधनको माग गरिरहेका छन् ।
