- १७ असार २०८३, बुधबार / Jul 1, 2026
काठमाडौँ, १८ वैशाख । राजधानी काठमाडौँमा आज बिहानैदेखि वर्षा भइरहेको छ। बङ्गालको खाडीबाट आएको जलवाष्पयुक्त हावाको प्रभावले देशका विभिन्न भागमा वर्षा भएको छ।
हल्का वर्षासँगै काठमाडौँको आकाश पूर्णरूपमा बादलले ढाकिएको छ। प्रतिकूल मौसमका कारण आन्तरिक र बाह्य उडानहरू प्रभावित भएका छन्। काठमाडौँबाट हुने विभिन्न गन्तव्यका उडानहरूमा ढिलाइ भएको छ।
मौसमविद्हरूका अनुसार, आगामी दुई दिनसम्म देशका अधिकांश क्षेत्रमा बदली र वर्षाको सम्भावना छ। बागमती, कोशी र मधेस प्रदेशका जिल्लाहरूमा बिहानैदेखि पानी परिरहेको छ।
लुम्बिनी र सुदूरपश्चिम प्रदेशको तराई क्षेत्रमा हावाहुरीको सम्भावना रहेकोले मौसम पूर्वानुमान महाशाखाले सतर्कता अपनाउन अनुरोध गरेको छ ।
