- ६ असार २०८३, शनिबार / Jun 20, 2026
उत्तराखण्ड, १ असार । भारतको उत्तराखण्डस्थित केदारनाथ धाम जाँदै गरेको हेलिकप्टर आइतबार बिहान दुर्घटनामा पर्दा चालक दलसहित सबै ७ जनाको मृत्यु भएको छ।
आर्यन कम्पनीको उक्त हेलिकप्टर देहरादूनबाट केदारनाथतर्फ जाँदै गर्दा गौरीकुण्ड क्षेत्रको त्रिजुगीनारायण नजिकै दुर्घटनाग्रस्त भएको हो। दुर्घटनाको कारण खराब मौसमलाई मानिएको छ भने हेलिकप्टर जंगल क्षेत्रमा खसेर पूर्ण रूपमा जलेको स्थानीय स्रोतले जनाएको छ।
मृतकहरूमा एक बालिका समेत रहेको पुष्टि भएको छ। दुर्घटनाबारे जिल्ला विपद् व्यवस्थापन अधिकारी नन्दन सिंह राजवारले जानकारी दिएका छन्।
गौरीकुण्डमाथि घाँस काटिरहेका नेपाली मूलका महिलाहरूले हेलिकप्टर खसेको दृश्य देखेर पहिलो रिपोर्ट दिएका थिए।
यसअघि पनि २०८२ जेठ २५ गते (जुन ७ तारिख) बडासु हेलिप्याडबाट केदारनाथ जाँदै गरेको अर्काे हेलिकप्टरमा प्राविधिक गडबडी देखिएको थियो, जसमा पाइलटले आपतकालीन अवतरण गराएका थिए।
