नेतन्याहूको अमेरिकी जनतालाई अपिल: “हाम्रो दुश्मन, तपाईँहरूको पनि हो”

काठमाडौँ, १ असार । इजरायली प्रधानमन्त्री बेन्जामिन नेतन्याहूले शनिबार एक भिडियो सन्देशमार्फत अमेरिकी जनतालाई सम्बोधन गर्दै इजरायलको हालको कारबाहीलाई समर्थन गर्न अपिल गरेका छन्।

भिडियोको सुरुआतमा उनले पूर्व राष्ट्रपति डोनाल्ड ट्रम्पलाई जन्मदिनको शुभकामना दिँदै अमेरिकी सैनिकको योगदानप्रति सम्मान व्यक्त गरे। नेतन्याहूले अङ्ग्रेजी भाषामा भने: “इजरायली सेनाले मध्यपूर्वमा स्वतन्त्रताको रक्षा गरिरहेको छ। हाम्रो लडाइँ इरान जस्तो तानाशाही शासनसँग हो।” “हाम्रो दुश्मन, तपाईँहरूको पनि दुश्मन हो। हामी अहिले जे गर्दैछौँ, त्यो हाम्रो साझा सुरक्षाका लागि हो।”

उनले इरानमाथि आरोप लगाउँदै भने यदि इजरायलले हस्तक्षेप नगरेको भए इरानले हमास र हिजबुल्ला जस्ता समूहलाई आणविक हतियारले सुसज्जित गरिसकेको हुने दाबी गरे। तर उनले यस्ता दाबीका लागि कुनै प्रत्यक्ष प्रमाण भने प्रस्तुत गरेका छैनन्।

भिडियोमा नेतन्याहूले अमेरिकासँग गहिरो ऐक्यबद्धताको सन्देश दिँदै इजरायलको कदमहरूलाई “विश्वको साझा सुरक्षा” को विषयमा जोड दिएका छन्।