- १ आश्विन २०८३, बिहीबार / Sep 17, 2026
पोखरा । माछा मार्ने क्रममा बेपत्ता भएका युवक खोज्न आज सेती नदीको बाँध भत्काउने भएको छ ।
बाँध खोल्न लागिएको प्रहरी कार्यालय कास्कीका सूचना अधिकारी डीएसपी श्रवणकुमार बिकले जानकारी दिए । बिहान ८ बजेदेखि बाँध खोल्दा तल्लो तटीय क्षेत्रमा पानीको बहाव बढ्ने भएकाले सुरक्षित रहन आग्रह गरेको हो ।
सेती नदीमा माछा मार्ने क्रममा फागुन १३ गते साँझबाट पोखरा १ सिम्पानीका सार्की मानबहादुर लामा तामाङ सम्पर्कविहीन छन् ।
१४ गतेबाट प्रहरी, सशस्त्र प्रहरीका गोताखोरहरूले खोज्दा फेला नपरेपछि बाँध खोल्न लागिएको प्रहरीको भनाइ छ ।
पोखरा महानगरपालिका–१७ महतगौडास्थित सेती नदीमा माछा मार्ने क्रममा एकजना मृत फेला परेका थिए ।
मृत फेला पर्नेमा पोखरा १, कसेरी बस्ने ४० वर्षीय गंगा तामाङ छन् । सँगै माछा मार्न गएका तीन जनाको सकुशलै उद्धार हुँदा तामाङको अवस्था अहिलेसम्म अज्ञात रहेको छ ।
