- ६ असार २०८३, शनिबार / Jun 20, 2026
काठमाडौ । गृहमन्त्री रमेश लेखक र प्रधानमन्त्री केपी शर्मा ओलीबीच खटपट सुरु भएको छ । वर्तमान सत्ता गठबन्धन ०८४ को निर्वाचनसम्मै चल्ने दावी गरेका उनीहरुले दिएका अभिव्यत्तिले छिटै सरकार ढल्ने संकेत गरिरहेको सरोकारवालाको दावी छ ।
आइतवार सिंहदरबारमा बसेको विपद् जोखिम न्यूनीकरण तथा व्यवस्थापन राष्ट्रिय परिषद्को १६औँ बैठकपछि सञ्चारकर्मीसँग मन्त्री लेखकले गठबन्धन नटिक्ने संकेत गरे । उनले गठबन्धन टिक्ने नटिक्ने कुरा एमाले र कांग्रेसले गरेको सातबुँदे सहमतिअनुसार भरपर्ने बताए । ०८४ सालको निर्वाचनसम्म यो सरकार चल्नेमा संका गरे ।
उनले संविधान संशोधन ०८७ पुग्छ कि कहाँ पुग्छ भनेर अहिले नै घोषणा गर्ने विषय नभएको भन्दै यस्तो संकेत गरेका हुन । संविधानको सबैभन्दा पहिला सबल र दुर्बल पक्षको पहिचान गरी सबै राजनीतिक दलहरुसँग छलफल र समन्वय गरेर संविधान संशोधन हुने दावी गरे ।
तर प्रधानमन्त्रीले अहिले नै मिति तोकिहाल्ने विषय नरहेको बताए। प्रधानमन्त्री केपी ओलीले अब संविधान सशोधन ०८७ मा मात्रै हुने केन्द्रीय कमिटीको बैठकमा बताएका थिए ।
