नयाँ गठबन्धनको बैठकमा लिखित सहमतिको तयारी

काठमाडौँ । भागबन्डा टुङ्ग्याउन पुनः नयाँ गठबन्धनको बैठक पुनः बस्ने भएको छ ।

बिहान बसेको बैठकमा सानो आकारको मन्त्रिपरिषद् गठन गर्ने प्रारम्भिक सहमति भए पनि भागबन्डाको विषय भने टुङ्गिएको छैन ।

बैठक दिउँसो साढे २ बजे पुनः बस्ने प्रचण्ड सचिवालयले जनाएको छ । करिब ३ बजे लिखित सहमतिमा हस्ताक्षर गर्ने तयारी गरिएको छ ।

यतिबेला प्रधानमन्त्री पुष्पकमल दाहाल ‘प्रचण्ड’ राष्ट्रपति रामचन्द्र पौडेललाई भेट्न शीतलनिवास पुगिसकेका छन् ।