- १ भाद्र २०८३, सोमबार / Aug 17, 2026
काठमाडौं । नेकपा माओवादी केन्द्रका कीर्तिपुर नगरपालिका प्रमुख पदका उम्मेदवार डा. शिवशंकर महर्जनले चुनावी प्रतिबद्धता–पत्र सार्वजनिक गरेका छन् ।
कीर्तिपुर नगर क्षेत्रभित्रका ७० वर्ष उमेर पुगेका ज्येष्ठ नागरिकको स्वास्थ्य उपचार खर्च नगरपालिकाले नै बेहोर्ने प्रतिबद्धता व्यक्त गरे । ज्येष्ठ नागरिकले जुनसुकै स्वास्थ्य संस्थामा सेवा लिएपनि सो खर्च नगरपालिकाले बेहोर्ने उनको भनाइ छ ।
आफ्नो नेतृत्वमा सङ्घीय सरकारद्वारा ज्येष्ठ नागरिक तथा एकल महिलालाई प्रतिमहिना प्रदान गरिने सामाजिक सुरक्षा भत्ता वितरण तथा नवीकरण प्रक्रियालाई सजिलो र प्रभावकारी बनाइने उनको प्रतिबद्धता पत्रमा उल्लेख छ ।
