५ लाखले छाडे काठमाडौं

काठमाडौं । घटनास्थापनदेखि आज बुधबार बिहान सम्म ५ लाखभन्दा बढी मान्छेले काठमाडौं छोडेका छन् । तथ्यांकअनुसार ५ लाख ६ हजार ५२५ जनाले काठमाडौं उपत्यका छाडेको उपत्यका ट्राफिक प्रहरी कार्यालय रामशाह पथका डीएसपी रवीन कार्कीले बताए । सडक यात्राबाट काठमाडौं छाड्ने यात्रुहरुको विवरण हो ।

दशैंको अवसरमा घर फर्कने यात्रुहरुलाई लक्षित गरेर ट्राफिक प्रहरीले यात्रु सहायता कक्ष सञ्चालन समेत गरेको छ ।टिकटमा हुने कालोबजारीदेखि नाका नाकामा ट्राफिक खटाएर भाडादर समेत अनुगमन गरिएको छ । बढी भाडा असुल्ने गाडीहरुलाई कारबाही तिव्र पारिएको छ ।

बढी भाडा लिएको आरोपमा ३१ जनालाई नियन्त्रणमा लिएर कारबाही अघि बढाइएको हो । यसका साथै हवाईमार्गबाट यो पटक उत्तिकै यात्रुहरु काठमाडौंबाट बाहिरिएका छन् ।पूर्वी नेपालको मुख्य राजमार्ग वीपी हाईवे बाढी पहिरोका कारण अवरुद्ध भएपछि हवाई मार्गबाट उपत्यका छाड्नेहरुको संख्या बढेको हो ।