- १२ जेष्ठ २०८३, मंगलवार / May 26, 2026
काठमाडौँ । सरकारले नेपाल विद्युत् प्राधिकरणका कार्यकारी प्रमुख कुलमान घिसिङलाई पदमुक्त गरेको छ । सोमबार पदमुक्त गरिएपछि मंगलबार नेपाल विद्युत् प्राधिकरणमा सुरक्षा व्यवस्था कडा पारिएको छ । सरकारको निर्णय विरुद्ध विभिन्न स्थानमा प्रदर्शन भइरहेको छ ।
घिसिङलाई हटाउने निर्णयको विरोधमा राजनीतिक दल, विद्यार्थी संघसंगठनदेखि सर्वसाधारणले समेत आलोचना गरिरहेका छन् । विरोध प्रदर्शन बढेपछि सम्भावित घटनालाई मध्यनजर गर्दै विद्युत् प्राधिकरणमा नेपाल प्रहरी र सशस्त्र प्रहरीले प्राधिकरणको मुख्यालयमा सुरक्षा दिइरहेका छन् ।
यसैबीच काठमाडौंको प्रदर्शनीमार्गमा विद्यार्थीहरुले ऊर्जामन्त्री दीपक खड्काको पुत्ला दहन गरेका छन् । एकीकृत समाजवादी निकट विद्यार्थी संगठन अनेरास्ववियूले प्रदर्शनीमार्गस्थित विश्वभाषा क्याम्पस अगाडि प्रदर्शन गर्दै पुत्ला जलाएको छ ।
