- ८ असार २०८३, सोमबार / Jun 22, 2026
काठमाडौं । यातायात व्यवस्था कार्यालय सवारीचालक अनुमतिपत्र बुटवलका सहायक कम्प्युटर अप्रेटर ज्ञानराज पाण्डेको ‘आइडी’ दुरुपयोग गरी १२२ नक्कली सवारी लाइसेन्स जारी भएको तथ्य फेला परेको छ
प्रहरीको केन्द्रीय अनुसन्धान ब्युरो (सिआइबी)ले नयाँ–नयाँ तथ्य फेला पारेको छ । जिम्मेवारीबाट हटिसकेका कर्मचारीको ‘युजर’ दुरुपयोग गरी कार्यालयबाहिरबाट समेत फर्जी विवरण भरेको भेटिएको हो ।
हालसम्म १२ जनालाई नियन्त्रणमा लिएर अनुसन्धान थालेको प्रहरीले बिहीबार विभागकी दीपा न्यौपाने तथा बुधबार इलाका प्रशासन कार्यालय, थारमारे सल्यानमा कार्यरत कम्प्युटर अप्रेटर गणेश भण्डारीलाई पक्राउ गरेको हो ।
न्यौपाने तीन वर्षदेखि विभागमै कार्यरत रहेको र भण्डारी विगतमा यातायातमा संलग्न रहेको प्रहरीले जनाएको छ ।
