- ४ आश्विन २०८३, आईतवार / Sep 20, 2026
फागुन । हाल देशमा पश्चिमी न्यून चापीय प्रणालीको आंशिक प्रभाव रहेको जल तथा मौसम विज्ञान विभागले जनाएको छ। देशका पहाडी भू-भागमा आंशिकदेखि साधारणतया बादल रहेको र बाँकी भू-भागमा मौसम मुख्यतया सफा रहेको छ।
विभागका अनुसार, कोशी, बागमती, गण्डकी र कर्णाली प्रदेशका पहाडी भू-भागका एक–दुई स्थानमा छिटफुटदेखि हल्का वर्षा भइरहेको छ। आज दिउँसो कोशी प्रदेशका पहाडी भू-भागमा आंशिकदेखि साधारणतया बादल रहनेछ भने बागमती र गण्डकी प्रदेशका पहाडी भू-भागमा आंशिक बादल रही बाँकी भू-भागमा मौसम मुख्यतया सफा रहनेछ।
कोशी, बागमती र गण्डकी प्रदेशका उच्च पहाडी तथा हिमाली भू-भागका एक–दुई स्थानमा हल्का हिमपात हुने सम्भावना रहेको छ। साथै, कोशी प्रदेशका पहाडी भू-भागका एक–दुई स्थानमा मेघगर्जन वा चट्याङ्गसहित हल्का वर्षा हुने सम्भावना छ।
आज राति कोशी, बागमती र गण्डकी प्रदेशका पहाडी भू-भागमा आंशिक बादल छायाँ रही बाँकी भू-भागमा मौसम मुख्यतया सफा रहनेछ। कोशी र गण्डकी प्रदेशका उच्च पहाडी तथा हिमाली भू-भागका एक–दुई स्थानमा हल्का हिमपात हुने सम्भावना रहेको छ।
विभागले नागरिकहरूलाई आवश्यक सतर्कता अपनाउन अनुरोध गरेको छ। यस मौसमले दैनिक जीवन, स्वास्थ्य, सडक तथा हवाई यातायातमा आंशिक असर गर्न सक्ने हुँदा विशेष गरी मेघगर्जन र हल्का वर्षा भएका क्षेत्रमा बासिन्दाहरूलाई सचेत रहन सुझाव दिइएको छ।
