- २६ जेष्ठ २०८३, मंगलवार / Jun 9, 2026
काठमाडौँ । उदयपुरको लिम्चुङबुङ गाउँपालिकाले कागवेनी ईन्टर प्राईजेज प्रालिसँग सम्झौता गरेको छ । गाउँपालिकाले स्थानीय किसानले उत्पादन गरेको कृषि उत्पादनको बजारीकरण गर्न कागवेनी ईन्टर प्राईजेज प्रालिसँग सम्झौता गरेको हो ।
सम्झौतामा गाउँपालिकाका तर्फबाट अध्यक्ष मेजर राई र कागवेनी ईन्टरप्राईजेजका प्रबन्ध निर्देशक लोक जंग लामाबीच सहमति पत्रमा हस्ताक्षर भएको हो ।
गाउँपालिकाका पर्यटन सल्लाहकार रामसुन्दर बकेको समन्वयमा गाउँपालिका र प्रालिबीच सम्झौता भएको उदयपुरको लिम्चुङबुङ गाउँपालिका पर्यटन सल्लाहकार रामसुन्दर बकेले जानकारी दिनुभयो । उहाँले स्थानीय कृषकले उत्पादन गरेको अकबरे खोर्सानी, तरकारी र फलफूल बेच्नका लागि सहजिकरण भएको बताउनुभयो ।
प्रालिले तरकारी र फलफूल बजारीकरणको जिम्मा प्रालिएकोमा धन्यवाद दिदै प्रालिले प्रचलित बजार मूल्यका आधारमा किसानले उत्पादन गरेका कृषि उपज खरिद गर्ने गाउँपालिका अध्यक्ष मेजर राईले बताउनुभयो ।
स्थानीय कृषकको उत्पादनलाई प्राथमिकता दिएर विक्रिवितरण गर्न उदयपुरको लिम्चुङबुङ गाउँपालिका मात्रै होइन देशका अन्य पालिकाहरुले पनि थालनि गर्नुपर्ने देखिन्छ ।
