- १ कार्तिक २०८३, आईतवार / Oct 18, 2026
गुल्मी । मदाने गाउँपालिका वडा नम्बर १ मा अवस्थित अग्लुङ्गफेदी बजार अत्यन्तै सुन्दर छ ।
यो बजार प्युठानको गौमुखी गाउँपालिका वडा नम्बर १, २, ३ र गुल्मीको मदाने गाउँपालिका वडा नम्बर १ अग्लुङ्गका नागरिकको प्रमुख व्यापारिक केन्द्रका रुपमा रहेको छ ।
यहाँबाट विगतका वर्षहरूमा बागलुङको बुर्तिबाङसम्म घोडा खच्चरले दैनिक उपभोग्य सामानहरू ढुवानी गरेर लैजाने गर्थे ।
अग्लुङ्गफेदी बजार प्युठानको धार्मिकस्थल गौमुखीबाट आएको झिम्रुक खोला र अग्लुङ्ग खोलाको किनार नजिकै रहेको छ ।
नजिकबाट बग्ने दुवै खोलाका कारण बजार निकै सुन्दर देखिन्छ । दशैका बेला निकै चहलपहल बढेको हो ।
