मधेस प्रदेशका मुख्यमन्त्री यादवविरुद्धको मुद्दा फेरि हेर्दाहेर्दैमा, अब १५ गते सुनुवाइ

काठमाडौँ, १२ मंसिर । मधेस प्रदेशका मुख्यमन्त्री सरोज कुमार यादवविरुद्ध दायर मुद्दाको सुनुवाइ आज पनि सम्पन्न हुन नसकेपछि फेरि हेर्दाहेर्दैमा राखिएको छ ।

न्यायाधीशद्वय हरिप्रसाद फुयाल र नित्यानन्द पाण्डेयको इजलासमा शुक्रबार सुनुवाइ सुरु भए पनि समयाभाव तथा प्रक्रियागत कारणले नसकिएकाले अब मंसिर १५ गतेका लागि पेसी तोकिएको हो ।

यसअघि बिहीबार पनि मुद्दा सुनुवाइ नपुगेपछि आजका लागि हेर्दाहेर्दैमा सारिएको थियो । लगातार दुई दिनयता मुद्दा टुंगो नलाग्दा प्रदेश राजनीति र सरकार सञ्चालनमा यसको प्रभावबारे छलफल बढेको देखिन्छ ।