- २६ असार २०८३, शुक्रबार / Jul 10, 2026
काठमाण्डौं, ४ साउन । लामो समयदेखि वर्षाविहीन रहेको मधेश प्रदेशमा अन्ततः पानी परेको छ। जल तथा मौसम पूर्वानुमान महाशाखाका अनुसार पछिल्लो २४ घण्टामा धनुषाको तुलसी वर्षामापन केन्द्रमा ७५.३ मिलिमिटर वर्षा मापन गरिएको छ।
हिजो बेलुका, राति र आज बिहान मधेश प्रदेशका विभिन्न जिल्लामा हल्कादेखि मध्यम खालको वर्षा भएको छ। मौसमविद् सञ्जिब अधिकारीका अनुसार धनुषा, सप्तरी, सर्लाही, रौतहट, बारा र पर्साका केही क्षेत्रमा वर्षा भएको हो।
सुक्खाग्रस्त मधेश प्रदेशमा परेको यो वर्षाले केही हदसम्म राहत पुर्याएको बताइएको छ। तर, मनसुनको समय चलिरहे पनि अपेक्षित मात्रामा वर्षा नभएकोले कृषि तथा जलस्रोतको दीर्घकालीन असर कायमै रहेको मौसमविद्को भनाइ छ।
स्थानीय किसानहरू वर्षाको सुरुआतसँगै खेतबारीमा पानी पुगोस् भन्ने अपेक्षामा रहेका छन्। यद्यपि नियमित र व्यापक वर्षा नभएसम्म सिँचाइमा आशा राख्न कठिन हुने बताइएको छ।
