- २६ असार २०८३, शुक्रबार / Jul 10, 2026
आर्थिक वर्ष २०८१/८२ मा मनास्लु संरक्षण क्षेत्रमा १२,५१२ विदेशी पर्यटकले भ्रमण गरे।
यो सङ्ख्या अघिल्लो वर्षको तुलनामा झण्डै २,७०० ले बढी ।
पदमार्ग सुधार, प्रचारप्रसार र होटल सुविधा विस्तारले पर्यटक आकर्षणमा वृद्धि ।
मनास्लु पदयात्रा मार्ग सांस्कृतिक र प्राकृतिक सौन्दर्यले भरिपूर्ण ।
स्थानीय पर्यटन व्यवसायीहरूले थप लगानी र विकासको आवश्यकता ।
गोरखा, ४ साउन । गोरखाको उत्तरी क्षेत्रमा पर्ने मनास्लु संरक्षण क्षेत्रमा विदेशी पर्यटकको सङ्ख्या बढेको छ । मनास्लु संरक्षण क्षेत्र आयोजनाका अनुसार आर्थिक वर्ष २०८१÷८२ मा १२ हजार पाँच सय १२ विदेशी पर्यटकले मनास्लु संरक्षण क्षेत्र भ्रमण गरे ।
मनास्लु पुग्ने विदेशी पर्यटकको यो सङ्ख्या अहिलेसम्मकै धेरै हो । अघिल्लो वर्षको तुलनामा झन्डै दुई हजार सात सयले धेरै रहेको मनास्लु संरक्षण क्षेत्र आयोजनाका प्रमुख सन्तोष शेरचनले जानकारी दिनुभयो ।
गएको वर्ष साउनदेखि असार मसान्तसम्मको अवधिमा १२ हजार दुई सय ४८ विदेशी र ११ नेपाली पर्यटकले शुल्क तिरेर भ्रमण गरेका थिए । पदमार्ग सुधार, प्रचारप्रसार र सुविधासम्पन्न होटलको निर्माणलगायतका कारणले पर्यटक बढेका शेरचनले बताउनुभयो । रासस
