आज तीन प्रदेशमा हिमपात, सतर्क रहन आग्रह

काठमाडौँ । नेपालमा पश्चिमी वायुको आंशिक प्रभाव रहेको छ । आज पहाडी भागमा आंशिक बदली रही बाँकी भागमा मौसम सफा रहनेछ ।

कोशी, गण्डकी र कर्णाली प्रदेशका उच्च पहाडी तथा हिमाली भागका तीन स्थानमा हिमपात हुने मौसम पूर्वानुमान महाशाखाले जनाएको छ।

यस्तै, गण्डकी, कर्णाली र सुदूरपश्चिम प्रदेशका पहाडी भागमा सामान्य बदली रही कोशी, बागमती र लुम्बिनी प्रदेशका पहाडी भागमा आंशिक बदली तथा सफा रहनेछ । गण्डकी, कर्णाली र सुदूरपश्चिम प्रदेशका पहाडी भागका थोरै स्थानहरूमा हल्का वर्षाको सम्भावना रहेको छ।

गण्डकी, कर्णाली र सुदूरपश्चिम प्रदेशका उच्च पहाडी तथा हिमाली भागका थोरै स्थानमा हल्का हिमपात तथा बाँकी उच्च पहाडी भागका एक दुई स्थानमा हिमपातको सम्भावना छ । देशभरिको तापक्रममा गिरावट आएसंगै त्यसबाट बच्न आवश्यक सतर्कता अपनाउन महाशाखाले अनुरोध गरेको छ ।