- २२ कार्तिक २०८३, आईतवार / Nov 8, 2026
काठमाडौँ, २१ कार्तिक । मेलम्ची खानेपानी आयोजनाको पानी पथान्तरण स्थानीयले पूर्णरुपमा बन्द गरेका छन्। विगतमा भएको सहमति कार्यान्वयन नभएको भन्दै संघर्ष समिति, राजनीतिक दल र बाढी प्रभावित स्थानीयले पानी पथान्तरण बन्द गरेको जनाएका छन्।
स्थानीयका अनुसार आफ्ना माग पूरा नभएसम्म मेलम्ची नदीबाट सुन्दरीजलसम्मको पानी पथान्तरण रोकिनेछ। मेलम्ची नदी हेलम्बुबाट पानी पथान्तरण पछि सुन्दरीजलमा पुग्ने पानीको परिमाणका आधारमा काठमाडौँ उपत्यका खानेपानी लिमिटेडले बिक्री गरेवापतको मूल्यको २५ प्रतिशत हिस्सा हेलम्बु गाउँपालिकाको विकासका लागि उपलब्ध गराउनुपर्ने स्थानीयको माग रहेको छ।
त्यसैगरी, बाढी प्रभावितलाई आवश्यक राहत वितरण गर्न र मेलम्ची खानेपानी आयोजनाका बोर्ड सदस्यहरूको सम्पत्ति विवरण सार्वजनिक गर्नुपर्ने माग पनि स्थानीयले राखेका छन्।
