रोल्पामा मिनी ट्रक दुर्घटना, चालकको मृत्यु

काठमाडौं । रोल्पाको रुन्टीगढी गाउँपालिका ६ स्यालामा मिनी ट्रक दुर्घटना हुँदा चालकको घटनास्थलमै मृत्यु भएको हो । तरकारी लिन गएको रा१ख २१३१ नम्बर मिनीट्रक मंगलबार राति फर्किने क्रममा दुर्घटना भएको हो ।

मृत्यु हुनेमा रुन्टीगढी गाउँपालिका(६ निगालपानी निवासी अन्दाजी ३२।३३ वर्षीय महेश थापा रहेको इलाका प्रहरी कार्यालय होलेरीका इञ्चार्ज देवीप्रसाद गैरेले जानकारी दिए । मृतकको शवलाई पोष्टमार्टमका लागि प्राथमिक स्वास्थ्य केन्द्र होलेरी राखिएको छ ।

दुर्घटनामा परी ८ वर्षीय बालक सुजन रावत सामान्य घाइते भएका छन् ।