- २६ असार २०८३, शुक्रबार / Jul 10, 2026
जेरुसलेम, ८ असार । इजरायली गुप्तचर संस्था मोसादले इरानमाथि गरिएको हालको हवाई आक्रमण अघि महिनौं योजना बनाएर ड्रोनका पार्टपुर्जाहरू र विस्फोटक सामग्रीहरू इरानभित्र तस्करी गरेको तथ्य खुलेको छ।
Wall Street Journal को रिपोर्ट अनुसार, इजरायलले सूटकेस, ट्रक र समुद्री कन्टेनर प्रयोग गरी सैकडौँ क्वाडकप्टर ड्रोनहरूका पार्टपुर्जा तथा बिना मानवरहित प्रक्षेपण प्रणालीहरू इरानमा भित्र्याएको खुलेकाे हाे ।
यी ड्रोनहरू विस्फोटकले भरिएका थिए र इरानको हवाई रक्षा प्रणाली र मिसाइल संरचनाहरूलाई भित्रैबाट निशाना बनाउने उद्देश्य राखिएको थियो। जब इजरायलका F-35 स्टील्थ जेटहरूले इरानका आणविक केन्द्रमा हमला गरे, त्यसअघि नै तल स्तरका ड्रोनहरूले रक्षा प्रणालीमा बाधा पुर्याई आक्रमणको बाटो सहज बनाइएको थियो।
यस योजनाबद्ध कारबाहीमा ड्रोनहरूमार्फत पहिले आन्तरिक अवरोध सिर्जना गरिएको थियो, त्यसपछि उच्च प्रविधियुक्त जेटहरूद्वारा मुख्य हमला गरिएको हो। यो रणनीति अनुसार, “पहिला लो-टेक ड्रोन आक्रमण, त्यसपछि हाई-टेक एयर स्ट्राइक” मार्फत इरानी सैन्य संरचनालाई नराम्ररी क्षति पुर्याइएको बताइएको छ।
यो अपरेशनले इजरायलको गुप्त सैन्य रणनीतिक क्षमताको प्रदर्शन मात्र नभई, मध्यपूर्वमा युद्धको जोखिमलाई पनि गम्भीर रूपमा बढाएको छ।
